早兩日Janice Man憑一條打出成隻右脾嘅Versus黑色晚裝成功佔據我成個facebook,如果唔係《十年》拎到最佳電影佢幾乎就係成個金像獎最大亮點。不過都有好多人話佢隻腳粗、五五身同自暴其短(利申,法官大人,我_),仲有人(係,我哋有份)搵到上年越南女星Ngoc Trinh 原來著過同一條裙出席韓國頒獎典禮!

Ngoc Trinh(Google Translate話係「鄭玉」喎),乃係越南有名嘅性感女星,有「內衣皇后」、「比堅尼女神」等稱號。1989年出世嘅佢有172cm高,33-23-36嘅均稱身材。佢由15歲開始就加入越車時裝界,16歲就贏得「珠寶小姐」比賽冠軍,之後又贏得2005年「超模越南」嘅最上鏡小姐。佢由2011年於越南網絡爆紅之後,就一直活躍於越南嘅娛樂圈。我哋之前仲介紹過佢為越捷航空拍嘅比堅尼宣傳照添呀! 

按照身高身材比例黎講,Ngoc Trinh的確更加能夠突顯條裙嘅設計特色(利申,法官大人,我都_),但又唔好以為佢當時著就贏得一片好評喎!雖然當日佢喺頒獎禮著呢件衫係豔壓群芳,但越南國內就對佢嘅性感打扮頗為不滿,認為佢影響越南演員於國際間嘅形象,更加有傳越南嘅文化、運動及旅遊部有所處罰,好彩最後冇事。 

嗱,其實我就覺得無論係Janice Man定係Ngoc Trinh,著呢條裙出黎都係為咗造福人群嘅啫!咁人家咁有善心你冇理由嫌三嫌四喊打喊殺呀?就等我哋抱住感恩之心、揸好紙巾,用一個穩定嘅律動黎表達我哋嘅謝意啦!
来源:menclub.hk