「宅男女神」孫慧雪早前推出第一本亦是最後一本寫真集，大晒美好身材，睇到一眾男粉絲流晒口水，但 阿雪 明言唔會再出寫真！不過大家唔使咁傷心， 阿雪 一向好錫粉絲，今日佢拍外景時着上黑色比堅尼泳衣，谷盡33C上圍，非常噴血！唔知套劇幾時上呢？
今日 阿雪 與唐詩詠、王浩信、鄧佩儀及林秀怡等人去到赤柱聖士提反灣，拍攝劇集《不懂撒嬌的女人》的一場沙灘戲，三位小花 阿雪 、鄧佩儀及林秀怡都着上泳衣開工，其中身穿黑色比堅尼的 阿雪 谷盡C奶，晒出誘人事業線，視覺效果非常立體！
被問到點解咁搏命， 阿雪 就笑說套劇係4K拍攝，所以希望拍出嚟的效果更立體，而呢件黑色泳衣更是佢之前拍寫真時着過的私伙，夠晒環保！佢又透露拍攝前本來想節食收身，但又忍唔到肚餓，所以唯有以薄紗遮住一雙「肉腿」！
另一靚女鄧佩儀以黃色泳衣上陣，不過性感程度就與 阿雪 相差甚遠，難怪佢自嘲資質有限，身材足夠就算！
而林秀怡的藍色露肩裝雖看似密實，不過輕輕一個俯身就成功露出誘人深坑，同樣有睇頭！
三位靚女合照，場面非常香豔！
女主角詩詠呢日雖然好密實，不過一身打扮青春可愛，仙氣逼人！佢又透露自己在劇中另一場口都會着泳衣︰「但今次唔係着三點式，如果下次劇情需要，我冇所謂。」
而男主角王浩信就做掌上壓晒肌搶鏡，佢笑言今次拍劇可以奉旨睜大眼欣賞靚女！咁誠實，怕唔怕老婆YoYo(陳自瑤) 嬲豬？
转载: orientalsunday
Like Viralcham Facebook！不出门也能知天下事～～