無綫新劇《城寨英雄》由陳展鵬、袁偉豪、胡定欣和伍允龍等人主演，以香港50年代的九龍城寨為背景，標榜硬橋硬馬真功夫，播出頭兩集已經有唔少精彩大戰！其實劇中除了功夫夠曬吸睛，唔少配角比主角更搶鏡！好似第一集中飾演霸氣阿媽的唐詩詠、飾演童年煎Pang又拍過經典保險廣告的小演員楊凱博 外 ，其實觀眾仲好留意佢！講緊邊個？咪就係林穎彤(Bella)飾演的理髮店員工李懷鑫(鑫鑫)囉！佢在劇中梳住個清純鬢辮髮型，笑容可愛甜美，唔少男士望到眼定定；最重要係佢在劇中不斷被惡霸欺凌，楚楚可憐，睇到大家咬牙切齒！不過小編知道大家未必太認識Bella，所以現在為大家介紹！
Bella飾演的鑫鑫係住在城寨的一個學生妹，不過因爸爸爛賭負下一身債，所以讀書之餘亦要打工。佢在街上認出左勾拳(陳展鵬)係救佢爸爸的恩人，得知對方無家可歸後，就介紹佢去自己打工的理髮舖。Bella本身個樣已經係清純可愛類，配上中式唐裝加一雙鬢辮，襯到絕！
之後講到黑幫頭目夏滿(李嘉飾)去到理髮舖，指名要鑫鑫服侍佢，之後一邊洗頭一邊狂摸人哋對手，真係豈有此理！雖然好似好衰，但通常呢啲造型的角色，在劇中一定係負責被人欺負的(好似係)。
老老實實Bella都算係靚女，但又未至於好突出或者令人深刻，所以一切都係造型先決！佢在劇中一直都係天真率直又或者楚楚可憐，令人有種莫名的親切感！
之後劇情發展到鑫鑫及其爛賭爸爸被夏滿捉走，夏滿知道對方還唔到錢，仲想買走鑫鑫償債！見到Bella俾人捉實包包面，真係想打爆部電視機！
點知個衰老豆知道賣女可以抵銷債務，竟然二話不說就將親生女兒拱手相讓，冇人性！見到Bella個傷心樣，真係睇到小編都喊出嚟！不過Bella早前接受訪問時，曾自爆呢個角色去到第七集會慘被輪姦至死，所以大家有得睇就好睇啦！
1992年出世的Bella今年23歲，一雙大眼睛及包包面都是其標記，有網民封佢為「大面Bella」。11歲就成為童星，拍過廣告同劇集，另外又參加雜誌《Yes!》的校花校草選舉，獲得甜美校花獎及才藝大獎。2009年時參加TVB跟商業電台合辦的節目比賽《十人巷》，贏出比賽後成為TVB旗下藝人。不過入行後演出機會唔算多，亦未有令人留下印象的代表作。
小編剛才都講過，雖然Bella未至於超級靚女，但勝在包包面夠曬清純可愛，甜美笑容令人感覺親切，非「girlfriendable」！佢今次呢個清純小妹角色成功博得大家注意，希望佢繼續努力演出，可以有更多發揮的機會啦！
其實Bella以前都留過長頭髮，不過招牌包包面一樣喺度！大家又鍾意佢邊個髮型多啲呢？
身高158cm的Bella屬嬌小身形，上圍亦唔見太有睇頭，所以佢都係sell清純可愛，甚少會性感示人。所以見到佢露事業線實在係好難得！
三點式泳衣照更是可遇不可求！
之前Bella為一瘦身中心賣廣告，大曬白滑玉背及輕露事業線，激罕！
Bella當年參加兒童節目後被發掘成為童星，仲曾經參演經典劇集《萬家燈火》！Bella當時又係著束一個鬢辮髮型，同依家一樣咁可愛！
资料来源: 今日热点